Maradona humbi jetën/ Rama reagon me shprehjen më prekëse: Dora e Zotit u kthye te Zoti

Legjenda e futbollit argjentinas Diego Armando Maradona u nda sot nga jeta.

Menjëherë pas këtij lajmi të hidhur për të gjithë botën, ka reaguar dhe kryeministri Edi Rama.

Ky i fundit shprehet se shprehja më prekëse që ka lexuar deri tani në lidhje me raportimet mbi vdekjen e Maradonës është: “Dora e Zotit u kthye tek Zoti”.

Teksa e quan “Moxarti i Futbollit”, Rama shkruan se Maradona mrekulloi botën me magjinë e talentit të tij.

“La Mano de Dios, Dora e Zotit u kthye tek Zoti – kjo ishte shprehja më prekëse që lexova në këtë moment trishtimi për vdekjen e Moxartit të futbollit, i cili mrekulloi botën me magjinë e talentit të tij…

U prehtë në paqe”, shkruan Rama.