Aksident i rëndë/ Humb jetën zyrtari i lartë, dy të plagosurit dërgohen me helikopter në Tiranë

Një aksident i rëndë me pasojë vdekjen ka ndodhur sot në Pukë.

Mësohet se për pasojë ka humbur jetën Mark Ndou,drejtor i Inspektoriatit të Mbrojtjes së Pyjeve në Shkodër.

Mësohet se mjeti me të cilin 61-vjeçari po udhëtonte ka dalë nga rruga.

Ndërkohë dy punonjës të tjerë të pyjores kanë mbetur të plagosur dhe janë dërguar me helikopter drejt Tiranës.

Sipas informacioneve Mark Ndou ishte nisur për punë drejt Iballës për inspektim në pyje, por ka humbur jetën në këtë aksident tragjik.

Prej vitesh i ndjeri ishte në krye të Inspektoriatit të Pyjeve ndërsa më përpara ka qënë edhe anëtar i këshillit bashkiak të Shkodrës.