“Kur ju zgjodhi gruaja, kishte 3 kandidatë?” Monika Kryemadhi zë ngushtë analistin e njohur, ja si përgjigjet ai

Një debat ka ndodhur mbrëmjen e sotme mes kryetares së LSI Monika Kryemadhi dhe analistit Artion Sulo.

Teksa të dy ishin të ftuar në “Open”, Sulo i cilësoi si një farsë zgjedhjet brenda LSI, pasi kryetari garoi e vetme dhe nuk pati kandidat rival.

Pas këtyre fjalëve, Kryemadhi tha se kjo gjë nuk kishte kuptim dhe pyeti Sulon nëse gruaja e zgjodhi mes tre kandidatëve.

Sulo kërkoi që kryetarja  e LSI-së të mos e kthente debatin në personal.

PJESE NGA DEBATI

Sulo: Jo-demokratike zgjedhjet brenda LSI-së

Kryemadhi: Ka ikur dhe Ilir Meta. Në një parti politike kështu është. Mund të iki dhe Kryemadhi nesër. Mund të mos jesh titullar, por mund të jesh kontribues. Ne u krijuam si strukturë sepse kishte mungesë hapësirash.

Sulo: Pse bëni ju çfarë bën Rama, çfarë ofroni ju në popull kur bëni zgjedhje pa kandidatë, vetëm me ju me një kandidat?

Kryemadhi: Pse bashkëshortja juaj kur ju ka zgjedhur juve, ka pasur tre kandidatë?

Eni Vasili:  Jo kështu mos kaloni personale.

Kryemadhi: A këto shembuj nuk ju pëlqejnë juve?

Eni Vasili: Bashkëshortja e Artionit ka përgjegjësi për atë dhe familjen, ju keni për qytetarët.

Sulo: Duhet të jeni më shumë demokratë brenda partisë, nuk keni demokraci. Nuk bëhen zgjedhje pa kundërshtarë…