LIGJET E BIZNESIT
Vijojnë largimet e figurave të rëndësishme nga Lëvizja Socialiste për Integrim gjashtë muaj përpara zgjedhjeve.
Mësohet se pas ikjes drejt PS të kryetarëve të LSI dhe të LRI në Laprakë, së fundmi ka vendosur të shkëputet dhe koordinatori i LSI për Tiranën Olger Sanxhaku.
Ky i fundit shprehet se ndihet i fyer e i mërzitur nga një mosmirënjohje dhe arrogancë që ka marrë në këmbim të gjithçka që ka dhënë në LSI.
“Të dashur miq, të dashur bashkëpunëtorët e mi! Nga dita e sotme kam vendosur të ndërpres çdo angazhimin tim si pjesë e strukturave të LSI !! Duke filluar si anëtar në vitin 2006 Kryetar njësia Administrative Vaqarr 2017 edhe duke e përfunduar vitin 2020 si Koordinator Qarku Tiranë! Mosvlerësimi i asnjë prej kontributeve të mia në këtë Parti prej me shume se 15 vitesh, më ka detyruar të largohem si Anëtar , Kryetari LSI Vaqarr dhe së fundi Koordinator Qarku Tiranë.
Ndihem i fyer, i mërzitur nga një mosmirënjohje dhe arrogancë që kam marrë në këmbim të gjithçkaje që kam dhënë në LSI!! Dua të falenderoj dhe shprehur mirënjohje për këdo shok mik apo i afërm për besimin që më ka dhënë në kohë dhe momente të caktuara! Ju jam mirënjohës dhe gjithmonë miku juaj!! Respekte për ju të dashur Shokë ,Miq dhe të Afërm ! Falenderimet ju takojnë vetëm ju !!! I Juaji Olgeri”, shkruan ish- Koordinatori i LSI për qarkun e Tiranës Olger Sanxhaku.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
