LIGJET E BIZNESIT
Presidenti Ilir Meta ka dhënë një lajm të hidhur për ndarjen nga jeta të një personi të afërt, mikut të tij Arjan Kuçi.
Me anë të një reagimi, Kreu i Shtetit shkruan se është tronditur kur e ka marrë vesh që shoku i tij nuk jetonte më.
Ai shton se Kuçi, ishte një person që ka mbetur jetim që në adoleshencë por që nuk është dorëzuar dhe i ka dalë për zot familjes së tij, duke hyrë në Ambasadën Gjermane në korrik të vitit ’90 e duke bërë shumë sakrifica.
“Ndarja nga jeta e Arjan Kuçit, shokut dhe mikut tim të mrekullueshëm në momentet më të vështira, është një lajm shokues dhe tronditës. Edhe pse i mbetur jetim adoleshent, Arjani nuk u dorëzua, por i doli për Zot familjes së Tij, duke hyrë në Ambasadën Gjermane në korrik të vitit ’90, me shpresën për ta shpëtuar nga varfëria, duke bërë edhe shumë sakrifica, veçanërisht për motrën e vëllain më të vogël, për t’u shndërruar në model frymëzues, force e virtytesh edhe për ne miqtë e Tij. Arjani mbeti gjithmonë një shok i mrekullueshëm për të gjithë ne dhe një familjar i jashtëzakonshëm e patriot. Jam pranë familjes së dashur Kuçi në këto momente tepër të vështira, të gjithë të afërmve dhe miqve të tyre. I përjetshëm kujtimi dhe guximi i Tij!”- shkruan Meta.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
