“Nuk është politikane që synon demokracinë” Nard Ndoka sulmon hapur Jozefina Topallin: Ka qenë pjesë e skemave abuzive

Ish-deputeti Nard Ndoka ka sulmuar së fundmi ish-kryeparlamentaren Jozefina Topalli.

Duke komentuar forcën e saj të re politike “Lëvizja për Ndryshim”, Ndoka u shpreh se Topalli ka urdhëruar vjedhjen e votave të Partisë Demokristiane.

Sipas tij ajo nuk është një politikane që synon demokracinë në PD, por ka qenë pjesë e skemave abuzive.

Ndoka shprehet se nuk pret ndonjë politikë të re nga Topalli.

“Unë nuk e shoh fare si aktore politike, mesa di unë nuk do të kandidojë fare në Shkodër. Në Shkodër si një politikane me një parti modeste që sapo ka rilindur. Pluralizmi i pranon këto. Jam kurioz të shoh si do shkojë. Kur unë jam ndodhur në pozitat e saj më ka luftuar shumë, madje deri edhe në vjedhjen e votave të Partisë Demokristiane me urdhrin e saj. Nuk është një politikane që ka synuar demokracinë në Partinë Demokratike, apo ka synuar standarde, të një zëri ndryshe, përkundrazi shpesh herë ishe pjesë e skemave abuzive. Kështu që nuk pres ndonjë politikë të re nga zonja Topalli”,- tha Ndoka për “Report Tv”.