“Sot numri më i lartë i viktimave” Manastirliu ngre alarmin: Ju lutem, zbatoni këto 3 rregulla kur dilni nga shtëpia

Ditën e sotme u shënua numri rekord i viktimave nga pandemia, me 17 jetë të humbura.

Ndërkohë ministrja e Shëndetësisë Ogerta Manastirliu i ka bërë apel qytetarëve që të zbatojnë tre rregulla bazë sa herë që dalin nga shtëpia.

“Maska, distanca dhe higjiena janë tre armët që çdokush duhet të përdorë kur del nga shtëpia”, shkruan Manastirliu në rrjete sociale.

Ajo shton se para se ta kurojmë virusin, duhet ta parandalojmë dhe kjo gjë bëhet prej nesh, në jetën tonë të përditshme, dhe jo në spitale.