Europol publikon listën e 56 personave më të kërkuar, mes tyre dhe shqiptari i rrezikshëm. Ja për çfarë akuzohet

Së fundmi Europol ka publikuar listën me emrat e 56 kriminelëve më të kërkuar në Europë.

Mes tyre gjendet dhe një shqiptar.

Ai është Aleks Burreli alias Gani Burreli, i moshës 52-vjeçare.

Shqiptari akuzohet për disa vrasje të ndodhura në Qipro.

Shqiptari  kërkohet nga autoritetet qipriote pasi është i përfshirë në vrasjen e trefishtë të ndodhur në 23 qershor 2016 në Aya Napa, ku së bashku me një person tjetër të armatosur vranë një biznesmen, më pas edhe një officer policie dhe gruan e tij, madje këta të fundit edhe në sytë e fëmijëve të mitur.

I vdekur në vend mbeti edhe bashkëpunëtori i shqiptarit, të cilin dyshohet se e vrau Burreli në mënyrë që të mos tregonte nëse kapej.

Ai u largua nga vendi i ngjarjes me një makinë, e cila më vonë u gjet e djegur.

Një vit pas kësaj ngjarje qarkulloi informacioni se Burreli ishte vrarë nga personat që porositën krimin e rëndë, por kjo nuk është vërtetuar nga policia, prandaj edhe Europol e ka përfshirë atë në listën e më të kërkuarve të Europës.