Plas sherri mes të rinjve/ 23-vjeçari përfundon i plagosur në spital, shpallet në kërkim autori (EMRAT)

Një sherr mes disa të rinjve ka ndodhur të premten në mbrëmje në Fier.

Mësohet se një prej tyre ka nxjerrë armën dhe ka plagosur në këmbë një 23-vjeçar, të identifikuar si Endri Mecalliu.

Ndërkohë policia ka shpallur në kërkim autorin, shtetasin Elvis Krasniqi.

Kanë dalë dhe detajet e para nga ngjarja, ku thuhet se i pranishëm ka qenë dhe kushëriri i të plagosurit, Klajdi Profka, i cili do procedohet penalisht për moskallëzim krimi.

NJOFTIMI ZYRTAR I POLICISE

Tentoi të vrasë me armë zjarri një shtetas, Policia dokumenton ngjarjen, shpall në kërkim autorin e dyshuar dhe procedon penalisht një shtetas për moskallëzim krimi.

Specialistët për Hetimin e Krimeve në Komisariatin e Policisë Fier, shpallën në kërkim dhe po punojnë për kapjen e shtetasit E. M. (K)., 27 vjeç, banues në Fier si edhe  proceduan penalisht për veprën penale “Moskallzim krimi” shtetasin K. P., 23 vjeç, banues në Fier, pasi mbrëmjen e datës 20.11.2020, në lagjen “Apollonia” Fier, shtetasi E. M., (K)., pas një konflikti për motive të dobëta, ka tentuar të vrasë me armë zjarri shtetasin E. M., 23 vjeç, banues në Fier, i cili ka mbetur i plagosur në këmbë dhe ndodhet në spital nën kujdesin e mjekëve.

Materialet i kaluan Prokurorisë pranë Gjykatës së Shkallës së Parë Fier për veprat penale “Vrasje me dashje e mbetur në tentativë”, “Armëmbajtje pa leje” dhe “Moskallëzim krimi”.