“Ju lutem merreni seriozisht” Rudina Hajdari infektohet me COVID19, deputetja tregon gjendjen e saj

Politikanët në Shqipëri nuk po munden ti shpëtojnë infektimit nga COVID19.

Kështu, mësohet se deputetja Rudina Hajdari ka rezultuar pozitive pasi ka kryer testimin për koronavirusin.

Lajmin e ka bërë të ditur vetë politikania me anë të një reagimi në rrjetet sociale.

Hajdari i bën thirrje njerëzve që ta marrin më seriozisht këtë sëmundje duke përdorur masat mbrojtëse për të ruajtur veten dhe familjen.

Ajo shton se do të vijojë të punojë online deri në momentin që rezultatet do dalin negative.

‘Mbas shfaqjes së disa simptomave, jam testuar dhe kam rezultuar pozitive me Covid19. Fatmirësisht deri tani simptomat janë të lehta dhe të përballueshme, por do më duhet të izolohem për të ruajtur shëndetin e familjarëve, bashkëpunëtorëve dhe mbështetësve. Nga sot e deri kur rezultatet të ridalin negative, do të punoj nga shtëpia dhe do të mund të takohemi vetëm online. Do mundohem të përdor sa më shumë teknologjinë për të kompesuar mungesën fizike dhe ta shfrytëzoj këtë kohë për të zhvilluar ide dhe projekte të reja. Ju lutem shumë merreni seriozisht këtë sëmundje dhe masat mbrojtëse ndaj saj. Ruajuni për veten dhe familjet tuaja. Ju uroj shëndet të gjithëve.’- shkruan Hajdari.