Parajsa në tokë/ Njihuni me vendin përrallor në Meksikë, njerëzit më të pasur në botë e zgjedhin për tu karantinuar

Në kohën që pandemia ka pushtuar botën, të pasurit kanë mundësi që të arratisen në vende më të sigurta.

Shumë prej tyre kanë vendosur të zgjedhin gadishullin Punta Mita, e njohur ndryshe si “parajsa” e Meksikës.

Pamjet janë spektakolare, me plazhe të mahnitshme, dy hotele luksoze dhe një kamp golfi fantastik.

Asgjë nuk konsiderohet si normale, por e gjitha është luks, paqe dhe shplodhje.

Në korrik ishte modelja Chrissy Teigen dhe bashkëshorti i saj muzikant, John Legend, të cilët morën me qira Villa Tesoro, që ka 7 suita. Çmimi? 8500 dollarë nata.

Në Casa Aramara kanë qëndruar yje si Eva Longoria, Jennifer Aniston dhe Demi Moore.

Gjatë muajve të pandemisë, ky kompleks turistik ka pasur fluks të madh kërkesash, sidomos nga Hollivudi dhe nga elita e ekonomisë amerikane.

Për “El Pais”, menaxheri i Punta Mita thekson se mesatarja e qëndrimit të yjeve ka shkuar nga 9 ditë, në 23 ditë. Që do të thotë se kjo “parajsë” është kthyer në vendstrehim në kohën e Covid-19.