Një tjetër ngjarje e rëndë ka ndodhur në spitalin “Shefqet Ndroqi” në Tiranë.
Mësohet se një pacient i shtruar me COVID19 i ka dhënë fund jetës duke u hedhur nga dritarja e spitalit.
Sipas informacioneve bëhet fjalë për një 52-vjeçar me inicialet P.Gj me origjinë nga Tropoja.
Ngjarja tronditëse ka ndodhur rreth orës 03:10 të mëngjesit të sotëm, ndërsa bëhet me dije se i ndjeri po trajtohej prej ditësh në spital pasi ishte prekur nga koronavirusi.
Kujtojmë se ky është pacienti i tretë që humb jetën për shkak se hidhet nga spitali Sanatorium, pasi më herët të njëjtin akt ekstrem kanë kryer dhe një 29-vjeçar nga Durrësi si dhe një 65-vjeçar nga Klosi
NJOFTIMI ZYRTAR I POLICISE
Më datë 01.11.2020, rreth orës 03:10, dyshohet se është vetëhedhur nga lartësia e një spitali shtetasi P.Gj., 52 vjeç dhe për pasojë ka humbur jetën. Grupi hetimor dhe sherbimet e Policisë vijojnë punën për zbardhjen e rrethanave të ngjarjes.