Një person ka mbetur i plagosur si pasojë e një aksidenti automobilistik. Mësohet se ngjarja ka ndodhur në autostradën Fier-Lushnjë, në afërsi të fshatit Vajkan.
Automjeti tip Benz me drejtues një person me profesionin infermier, është përplasur me trafikndarëset dhe ka kaluar në korsinë tjetër. Makina është përmbysur më pas dhe infermieri që ka qenë brenda, është plagosur rëndë.
Ai është dërguar në spital për ndihmë mjekësore. Grupi hetimor po heton për shkaqet e ngjarjes, por paraprakisht dyshohet se është bërë shpejtësia e makinës.