“Unë të vras po më cënove gjënë e shenjtë”, Kapexhiu përplaset keq me Mustafa Nanon

Analisti Mustafa Nano dhe karikaturisti Bujar Kapexhiu janë përplasur gjatë një debati televiziv teksa po flisnin në lidhje mbi karikaturat e bëra nga revista franceze “Charlie Hebdo”.

Teksa po diskutonin në lidhje me fyerjet ndaj feve, duke ju referuar publikimit të medias franceze të një karikaturë ku shfaqet presidenti turk Rexhep Taip Erdogan, Nano tha se Kapexhiu është i aftë edhe të vrasë nëse fyhet.

Kapexhiu e pranoi hapur këtë, dhe tha sa se nëse Nano mund t’i fyejë gjënë e shenjtë, ai edhe mund ta vrasë. Kapexhiu shkoi më tej, teksa tha se Nano e quan vete atesit, por për të është thjesht një i fe.

Pjesë nga biseda

Mustafa Nano (drejtuar Kapexhiut): Ky edhe të vret…

Bujar Kapexhiu: Unë edhe të vras Nano, nëse ti më cënon gjënë e shenjtë, të vras…

Mustafa Nano: Po ja, e tha vetë.

Bujar Kapexhiu: Po jo dëgjoni, se atij i duket vetja ateist, por unë këta i quaj të pafe.

Analisti Mustafa Nano tha se të gjithë mund të fyhen nga fenomene të tilla, por sipas tij nuk mund të ndalojmë lirinë e shprehjes që në Evropë ka arritur me shumë sakrifica.

“Mund të dali ndonjëri e të thotë shiko, unë fyhem sepse dëgjoj ezanin pesë herë të ditë, nuk kam lidhje me islamin, le të fyhet ai. Ne duhet të respektojmë myslimanët që e kanë ritual të tyren dhe është lira e besimit dhe duhet ta respektojmë këtë gjë. Liria e shprehjes është bashkë me demokracinë, janë gjërat të panegociueshme, nuk janë shpikur në një moment të caktuar, janë konkluzion që janë arritur ndër shekuj. Ka pasur sakrifica të mëdha për të arritur tek e drejta për të thënë mendimin tënd ashtu siç do”, u shpreh Nano./faxweb