Situata e vështirë nga COVID19/ Greqia jep një lajm jo të mirë për shqiptarët

Një lajm jo i mirë vjen për të gjithë shqiptarët.

Mësohet se Greqia ka vendosur të shtyjë sërish masat kufizuese për kalimin e kufirit me Shqipërinë.

Kështu, për shkak të pandemisë COVID19, këto masa do të jenë në fuqi deri më datë 8 nëntor.

Lajmin e ka bërë të ditur, ambasada greke me anë të një njoftimi në rrjetet sociale.

Në të thuhet se masat e përcaktuara më herët për qytetarët shqiptarë do të mbeten në fuqi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Mbi bazën e të dhënave epidemiologjike, masat kufizuese që zbatohen sot për personat që udhëtojnë nga Shqipëria drejt Greqisë mbeten në fuqi deri më 8 nëntor”, shkruan ambasada greke në Shqipëri.

Kujtojmë se për kalimin në kufi, mbeten kufizimet e numrit të personave që kalojnë në Kakavijë 750 dhe Kapshticë 300 persona, si dhe udhëtarët duhet të kenë plotësuar jo më pak se 24 orë përpara udhëtimit të tyre në vend formën PLF dhe duhet të kenë me vete test PCR negativ, jo më shumë se 72 orë para udhëtimit te tyre.