LIGJET E BIZNESIT
Pedagogu Ilir Pecnikaj ka qenë sot në studion e lajmeve të Fax News, ku ka komentuar vendimin e qeverisë për bërjen e detyrueshme të maskës në çdo mjedis, duke nisur nga e enjtja e ardhshme. Për Pecnikajn, i cili është pedagog dhe në Universitetin e Milanos në Itali, masat e marra nga qeveria shqiptare janë të keqorientuara, dhe nuk është punuar fare me këshillimin e qytetarëve.
“Për çfarë na duhen ne këto masa kur në shumë prej shkollave nuk ka ujë të rrjedhshëm. Se vërtetë është distanca dhe maska, por mbi të gjitha është higjiena. Ja e vure me detyrim maskën, por kush do ta paguajë, në gjysmën e familjeve shqiptare hahet vetëm bukë me domate.
Nuk më besohet se kjo qeveri thotë që njerëzit do të gjobiten, ndërkohë që dy ditë më parë vetë ajo fali edhe gjobat e makinave që u vendosën gjatë kohës së pandemisë.
Sado i pastrukturuar të jesh, gjatë gjithë kësaj kohe ne kemi parë masa që janë për të qarë dhe për të qeshur. Ka një problem shumë të madh, këta ose janë idiotë, që nuk janë, ose janë marioneta të qeverisë, dhe kjo është kriminale.
Dikush duhet të shkojë në bùrg për këto masa që po merren kuturu, pa asnjë lloj përgjegjësie. Testo, depisto dhe kuro, shumë kolegë të mi më thonë se Shqiperia është e barabartë me vendet afrikane, kemi një reanimacion që është përtokë fare, që nuk ka asnjë infrastrukturë.
Unë e them atë qe mendoj, pasi fatmirësisht nuk varem nga kjo qeveri, nuk e di se çfarë mund të më ndodhë jashtë dere, por të paktën sot mund ta them fjalën time të lirë, dhe të mbështetur mbi fakte shkencore”, u shpreh Pecnikaj.
Gjatë bisedës në studio me gazetaren Denisa Ruzi, Pecnikaj tha se nuk ka asnjë vend krahasimi mes Shqipërisë dhe Italisë. Sipas tij në vendin tonë ka ende një spot nga qeveria, ku thuhet se mund të përdoren maskat e pluhurit, në një kohë që efikasiteti i tyre është zero.
“Nuk ka asnjë krahasim mes Italisë dhe Shqipërisë, duke nisur që nga ndërgjergjësimi i qytetarëve, pasi një pjesë dërrmuese e popullsisë këtu te ne, mendojnë se virusi është tallje. Në Universitetin e Milanos ku unë jam pedagog i jashtëm, aty ka qindra hyrje dhe dalje, të cilat janë përqendruar në vetëm një pikë, ku ka një skaner që bën matjen e temperaturës, secili regjistrohet me të dhënat e tij.
Ndërkohë që në Universitetin e Mjekësisë, Polici të pyet, kush je ti, pedagog, e mirë kalo. Si mund të sensibizohen njerëzit ku ministria një ditë thotë një gjë dhe një ditë thotë një gjë tjetër. Vetë kryeministri tallet me mbajtjen e maskës, një herë e ka vënë atëherë kur mbronte maskat e skaduara, dhe sot, që e bën atë të detyrueshme.
Ne kemi akoma një spot të qeverisë që thotë lajeni maskën me rrobat, masa e pëlhurës nuk pengon asgjë, gjëja më e thjeshtë që mund të përdorin njerëzit është maska kirurgjikale, por edhe ajo kërkon një protokoll mbajtjeje, nuk mund ta lësh në sediljen e makinës dhe ta vendosësh sërish. Maska prej pëlhure është fallso, është absolutisht fallso, maskat nuk të mbrojnë ty nga virusi, mund të mbrojnë të tjerët prej teje, nuk ka asnjë lloj maskë që të mbron, pasi dimensioni i virusit është mjaft o vogël. Maskat mjekësore mbrojnë të tjerët nga ty, deri në njëfarë mase, po nuk të mbrojnë ty”, u shpreh Pecnikaj./faxnews
