Sot ish-ministri i Shëndetësisë Ilir Beqaj ka treguar me shifra sesa do të jetë rritja e pagave për punonjësit e sistemit shëndetësor në Shqipëri.
Ashtu sikurse u tha dhe më parë nga kryeministri Edi Rama dhe ministrja e Ekonomisë Anila Denaj, nga 1 janari i vitit 2021 do të aplikohet rritja e pagave për mjekët dhe infermierët.
Kështu, Beqaj ka shpjeguar me anë të një postimi me detaje se si do të funksionojë për kategori të caktuara, nga mjekët dhe infermierët në spitale tek ata në qendrat shëndetësore.
Sipas ish-ministrit, kjo rritje do me 40% do të kushtojë rreth 5,4 miliardë lek në vit apo rreth 50 milionë usd në vit.
Postimi i plotë:
Rritja e pagave të personelit shëndetësor me 40 % do të kushtojë rreth 5,4 miliardë lek në vit apo rreth 50 milionë usd në vit (1 usd = 107 lek). Në një mandat 4 vjeçar janë 200 milionë USD.
Mjek në spitale; paga mesatare do të shkojë nga 915 USD në muaj në 1280 USD në muaj.
+ 365 USD në muaj, + 4395 USD në vit, + 17,585 USD në 4 vjet
Farmacistë në spitale; paga mesatare do të shkojë nga 595 USD në muaj në 835 USD në muaj.
+ 235 USD në muaj, + 2845 USD në vit, + 11,380 USD në 4 vjet
Infermierë në spitale; paga mesatare do të shkojë nga 505 USD në muaj në 705 USD në muaj.
+ 200USD në muaj, + 2420 USD në vit, + 9680 USD në 4 vjet
Infermierë në qendra shëndetësore; paga mesatare do të shkojë nga 415 USD në muaj në 580 USD në muaj.
+ 165 USD në muaj, + 1985 USD në vit, + 7940 USD në 4 vjet
Mjek në qendra shëndetësore; paga mesatare do të shkojë nga 755 USD në muaj në 1055 USD në muaj.
+ 300 USD në muaj, + 3620 USD në vit, + 14,470 USD në 4 vjet.
