‘Mezi po presim’ Pas dy vitesh martesë, modelja e njohur shqiptare në pritje të ëmbël

Modelja e njohur Afërdita Dreshaj dhe bashkëshorti i saj cek Jakub Kindl do të bëhen prindër për herë të parë.

Çifti ka zbuluar edhe gjininë e bebit, që do të jetë djalë.

Lajmin e ka bërë të ditur vetë modelja e cila shfaqet e lumtur në krah të bashkëshortit.

Ajo shkruan që mezi po pret të marrë në krahë djalin e saj.

“Duam të marrim një moment për të falenderuar secilin prej jush për të gjitha mesazhet e bukura që kemi marrë. Jemi shumë të lumtur për këtë udhëtim të ri dhe akoma më të gëzuar që e ndajmë me ju. Mezi po presim të jemi prindër të të voglit tonë që është duke ardhur!” janë fjalët e saj plot emocion krahas fotos.

Afërdita dhe Jakub u martuan në qershor të vitit 2018 në një ceremoni madhështore të mbajtur në Miami.