Kërcet thika në Durrës/ Pas përleshjes plagosen dy të rinj, ja si nisi sherri

Dy të rinj në Durrës kanë përfunduar në spital pas një sherri me thika me njëri-tjetrin.

Policia bën me dije se të dy palët e konfliktit ndodhen nën mbikqyrjen e uniformave blu deri në zbardhjen e plotë të rrethanave të ngjarjes.

Mësohet se të plagosur kanë mbetur shtetasit E.Ç dhe M.M. Ky i fundit dyshohet si autori i ngjarjes, i cili u plagos dhe vetë në sherr.

NJOFTIMI ZYRTAR I POLICISE

Më datë 07.10.2020, rreth orës 14:30, në Sukth, Durrës, pas një konflikti të çastit për motive të dobëta, është goditur me mjet prerës (thikë) shtetasi E.Ç., i cili është dërguar në spital nën kujdesin e mjekëve.

Autori i dyshuar i kësaj ngjarje është shtetasi M.M., i cili ndodhet në spital për ndihmë mjeksore pasi është lënduar si pasojë e konfliktit.

Grupi hetimor ndodhet në vendngjarje dhe po punon për zbardhjen e ngjarjes, të dy palët e konfliktit ndodhen nën mbikqyrjen e Policisë deri në zbardhjen e plotë të rrethanave të ngjarjes.