Një skandal ka ndodhur në komunën e Mitrovicës, ku dyshohet se është lëshuar një tender për blerjen e 30 mijë prezervativëve.
Për këtë skandal janë hedhur akuza mbi kryetarin e komunës, Agim Bahtiri, i cili i ka mohuar.
Këto akuza dhe kundërakuza krijuan madje edhe debat në opinion, teksa për këtë çështje ka folur drejtoresha e Shëndetësisë në këtë komunë, Erseka Hasanaj Barani.
“Kryetari i Komunës së Mitrovicës dhe Drejtoria për Shëndetësi ka marr masa të menjëhershme dhe ka anuluar sasinë e porositur nga njësia kërkuese, konkretisht e artikullit (prezervativ). Kryetari menjëherë ka themeluar një komision dhe ka kthyer të gjithë artikullin tek OE dhe është bërë minusimi i asaj asaj shume, menjëherë pas pranimit të faturës. Pra, nuk është bërë asnjë pagesë e asaj fature deri më sot dhe nuk do të kryhet asnjë pagesë për atë artikull pasi që është kthyer”, ka shkruar ajo ndër të tjera në një postim në rrjetet sociale.
Mesa duket ka pasur një porosi të tillë, por fatura nuk është paguar ende. Madje është anuluar edhe sasia e porositur.
