Merr fund pritja 11-vjeçare, Tirana shpallet zyrtarisht kampion

Tirana është shpallur ditën e sotme zyrtarisht kampione e Suprligës, duke siguruar edhe titullin e 25-të në histori.

Ajo luajti ndeshjen e fundit me Bylisin, që u mbyll me rezultatin 1-1, ndonse pak rëndësi kishte rezultati.

Bardheblutë ishin shpallur kampionë në vitin 2009 dhe pas 11 vitesh arrijnë të marrin sërish titullin.

Pjesë e festës ishte edhe presidenti Ilir Meta, i cili disa orë më parë shprehu tifozerinë ndaj klubit me anë të një fotoje, ku kishte veshur bluzën bardheblu.

Shpallja e Tiranës kampion përkon edhe me 100-vjetorin e saj kryeqytet, prandaj është një festë e dyfishtë për tifozerinë.