Pak ditë më parë, Vilma Nushi shkroi një letër publike nga spitali në Turqi, ku kurohej pasi ishte infektuar me virusin.
Pas kësaj letre ka reaguar Mesila Doda, e cila i përvishet biznesmenes, duke i kujtuar lekët që ka marrë nga buxheti i shtetit nëpërmjet koncesionit të Check-up.
Ndër të tjera, Doda shkruan se vendi i saj është burgu dhe jo varri.
Postimi i plotë:
Një fjalë e fundit për Vilmën…
Ka marrë dhe kjo stilin e Ramës e i bie atij argumenti që i shkon për shtat…
Jo Vilma, nuk të kanë inat njerëzit, se je e pasur. Respekte për ata që punojnë e nuk fusin duart në xhepat e shqiptarëve. Iku dhe Avni Ponari për kurim, po nuk pipëtiu njeri, se i ka paratë e punës së tij dhe nuk mori kurrë gjysëm leku në buxhet, ndaj të gjithë i uruan shërim të shpejtë…
Ti vodhe buxhetin me procedurën korruptive të check up-it dhe kur pate nevojë ike nga ky sistem, të cilin ti vetë kontribuove për ta lënë në mizerje.
E kanë me ty shqiptarët Vilma, sepse je bashkëpunëtore në vjedhje me kryegangsterin dhe kjo vjedhje bëhet me gjakun dhe mundin e atyre qe sot s’kanë zë…
Ndaj, ki delikatesën të mos flasësh më asnjë fjalë.
Të uroj shërim të shpejtë Vilma, dhe pastaj të vish e të japësh llogari përpara një drejtesie të pakapur nga nga Babloku… vendi yt nuk duhet të jetë varri Vilma, po burgu…