Pas ngjarjes së djeshme në zonën e Kthesës së Kamzës në Tiranë ku u shënuan disa të shtëna me armë zjarri, policia njofton se ka arrestuar një person.
Sipas informacioneve ka rënë në pranga polici privat që ruante biznesin.
Mësohet se ai është 66 vjeçari Perlat Meshi.
Sipas policisë Meshi ka parë 2 persona të paidentifikuar me motor që kanë ndaluar përpara biznesit dhe kanë qëlluar me armë, por nuk ka lajmëruar as në Policinë e Shtetit si dhe nuk ka raportuar sallën dhe eprorët e tij.
Kujtojmë se një ditë me parë policia njoftoi se është lajmëruar nga pronari i binzesit se ka gjetur gëzhoja armësh në derën e dyqanit të tij me elektroshtëpiake.
Biznesmeni me iniciale S.A, pronari i një dyqani elektro-shtëpiake, në zonën pranë ‘Doganës’ në kryeqytet, pretendoi se tek dera e dyqanit, ka gjetur disa gëzhoja armë zjarri dhe xhamin e derës të thyer.