Ish-deputetja e PD-së, Dhurata Çupi ka bërë një denoncim në rrjetin social Facebook.
Çupi tregon se mjekja në Qendrën Shëndetësore në Klos ka rezultuar e prekur nga virusi. Ndërkohë që stafi dhe qytetarët që kanë marrë shërbim mjekësor prej saj janë të frikësuar për jetën e tyre sepse nuk u bëhet as tampon.
Ndër të tjera, deputetja shkruan se thirrjet e opozitës për testimet e qytetarëve dhe gjurmimin e rasteve të dyshuara duhet të kthehen në emergjencë kombëtare.
Denoncimi i Dhurata Çupit
Përhapja e virusit ka dalë jashte kontrollit ndërsa shqetësimi i qytetarëve është më se i justifikuar.
Një mjeke në Qendrën Shëndetësore “ Klos” ka rezultuar pozitive me virusin , ndërsa stafi dhe qytetarët që ditët e fundit kanë marrë shërbim mjekësorë janë të trembur për fatin e tyre ndërsa kërkojnë me ngulm që të bëjnë tamponin për të verifikuar nëse janë prekur apo jo. Jeta e cdo qytetari vlen njësoj.
I bëj thirrje autoriteteve shëndetësore të marrin masa njësoj për cdo qytetarë. Në këtë betejë nuk mund të ketë të privilegjuar. Testoni njerëzit. Gjurmoni rastet.
Thirrjet e opozitës për testimet e qytetarëve dhe gjurmimin e rasteve të dyshuara si të prekur nga pandemia, duhet te kthehen në emergjencë kombëtare.
Është emergjencë.!