Rama-banorëve të Torovicës: Më keni luajtur mendsh!

Kreu i qeverisë, Edi Rama ka qenë sot në Fushë Torovicë në Lezhë, për të inspektuar punimet në rrugën e Torovicës.

Ndërsa ka deklaruar se një prej probleme kryesore për një pjesë të mirë banorëve të Lezhës duket se po merr zgjidhje.

Sipas tij, ky është fundi i shumëpritur i odisesë njëzetë e pesë vjeçare të një rruge të pakalueshme, gropash e gënjeshtrash të kujtdo u mori votat e pastaj u ktheu shpinën banorëve të Torovicës.

Dialogu:

Rama: Si jeni? Afrohuni se më keni luajt mendsh! Rruga e Torovicës, rruga e Torovicës. Po tani? Kishin 20 vjet pa rrugë…
Banorët: 25.
Rama: 25 dakord, 20 kam numëruar unë. 25 vjet pa rrugë. Tani ta bëjmë rrugën. Këtu ishte për të kaluar me tank, ta bëjmë tamam. Do fillojmë Shëngjin-Velipojën, do ketë dhe Shëngjin-Velipoja një lidhje. Do bëjmë edhe Milot-Balldren.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Banorët: Ti do na i bësh, kush do na i bëjë tjetër.
Rama: Po ti do na i bësh, apo thuaj ti do na i bësh ty do të mbysim.

Banorët: Jo, jo nuk do të mbysim.
Rama: Në fakt ashtu është, s’ke ça bën. Se kush punon kritikohet se kush s’punon s’ke çfarë t’i thuash.
Banorët: Ishalla përfundon. Se nuk na besohet.
Rama: Ishalla nuk zënë rrugën se për të përfunduar do përfundohet. Unë në mes të rrugës nuk i lë rrugët, mos ki merak. Çfarë t’i bëjmë rrugët që i kanë lënë në mes të rrugës. Për Krishtlindje do jetë gati, nga fillimi deri në fund.