LIGJET E BIZNESIT
Një pjesë të taksave dhe tatimeve, bizneset mund t’i paguajnë nëpërmjet celularit. Drejtoria e Përgjithshme e Tatimeve i bën thirrje biznesit, që krahas njohjes online me detyrimet tatimore mund t’i paguajnë edhe përmes platformës e-Albania, në çdo kohë dhe pa asnjë kosto printimi. “Në këtë mënyrë do të kursenin kohë, si dhe do të shmangnin radhët”, theksojnë tatimet.
Pagesat mund të kryhen direkt nga vendi i punës, shtëpia apo edhe celulari. Tatimpaguesit e realizojnë këtë duke u loguar në portalin e-Albania me kredencialet e tyre.
Ata, mund të kryejnë pagesë të pjesshme ose të plotë për këto taksa dhe tarifa:
- Tatimi mbi të Ardhurat Personale të Biznesit të Vogël
- Tatim i Lojërave të Fatit
- Tatim mbi të Ardhurat nga Punësimi
- Tatim i Mbajtur në Burim
- Tatim mbi Vlerën e Shtuar
- Tatim i Thjeshtuar mbi Fitimin
- Tatim Fitimi
- Tatim mbi të Ardhurat Personale
- Taksat Kombëtare
- Tarifat Kombëtare
- Renta minerare
- Kontributet e sigurimeve shoqërore dhe shëndetësore
- Detyrime globale/Penalitetet
Drejtoria e Përgjithshme e Tatimeve thekson se është e angazhuar maksimalisht në lehtësimin e procedurave, për të ofruar në çdo kohë dhe me sa më pak kosto, një shërbim cilësor për tatimpaguesit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
