LIGJET E BIZNESIT
Në fidanishten e e Universitetit Bujqësor, ka nisur një ndërtim i ri betoni. Ka qenë ish-Kryeministri, Berisha, i cili e ka denoncuar ditën e djeshme këtë skandal. Sipas burimeve do të ndërtohet një shkollë.
Ndërkohë, sot studentët e Universiteti Bujqësor të Kamzës , kanë dalë në protestë, pikërisht për ndërtimet e reja që po shfaqen në fidanishten e tyre. Pedagogë dhe studentë kanë dalë në rrugë për fillimet e një ndërtimi në territorin e tyre, që ata quajnë “të paligjshme”.
Sipas Jamarbër Malltezit, pedagog në UBT, “që nga dita e djeshme kemi parë një rrethim të çuditshëm tek fidanishtja e UBT-së, dhe na kanë thënë se është dhënë një leje ndërtimi”-tha ai për A2 CNN.
Sipas Malltezit, ka disa shkelje ligjore në këtë veprim sepse “fillimisht ajo është tokë ende në pronësi të universitetit bujqësor, dhe UBT ka një masterplan, dhe ajo toke është e projektuar për fidanishte”.
Por shkelja më e madhe sipas tij është që “nuk ka asnjë tabelë që informon për godinën që do të ndërtohet, se kush po e ndërton, nuk është respektuar asnjë procedurë”.
