I quajtur ndryshe edhe rebeli i qeverisë, zv.kryeministri, Erion Braçe feston sot 47-vjetorin e lindjes.
Përmes një postimi në rrjetin e tij social ‘Instagram’, Braçe falenderon në veçanti të ëmën për përkushtimin e saj ndaj tij gjatë këtyre 47 viteve, ndërsa shoqëron me foto vaktin e tij të drekës.
Ai shkruan se e ëma për 47 vite, çdo ditëlindje i ka gatuar të njëjtën pjatë, që është burani dhe perime të pjekura.
Pjata shoqërohet nga një kokërr mollë, dhe ai shkruan:
“Tamam dita kur, mëma bën të njëjten gjë-me ngjyra dhe shije, si 47 vite me radhë dhe, ty te pëlqen si çdo ditë deri tek e 47-ta, sot e ne vijim! Faleminderit mam per te 47 vitet! Faleninderit gjithkujt nder ju per urimin!”.
