Ditën e djeshme, ministri i Jashtëm i deleguar Gent Cakaj ka deklaruar se të paktën 38 ‘Konsuj Nderi të Shqipërisë’, që lëvizin me makina me targa diplomatike, do t’u hiqen ato, pasi sipas tij janë privilegje të pajustifikuara.
Cakaj u tregua i prerë dhe deklaroi se do të merret si masë e menjëhershme heqja e këtyre targave.
“Në shkelje të habitshme të këtij ligji janë plot 38 konsuj nderi që i kemi mes nesh dhe hyjnë e dalin nga kufijtë e këtij vendi. Ky privilegj special është i pajustifikueshëm ndaj duhet të marrë fund.”, tha Cakaj ndër të tjera, ditën e djeshme.
Cilët janë konsujt që iu hiqen targat diplomatike?
Ajo që vihet re është se në listën e Cakajt janë biznesmenë të fuqishëm dhe emra të njohur në vendon tonë. Në listë janë biznesmenët e mëdhenj si Samir Mane, Avni Ponari, Gentian Sula dhe shumë të tjerë.
Por nuk mungojnë edhe figura të politikës dhe medias, si Arben Malaj, ish-ministër i Ekonomisë, Mentor Nazarko, analist.
