Pavarësisht se temperaturat janë akoma të ulëta, vatrat e zjarrit në vend po përhapen gjithandej. Në zonën e Bulqizës vatrat e zjarrit janë akoma aktive, ndërsa kanë përfshirë ekonominë bujqësore të njësisë administrative të Zerqanit.
Që prej orës 16:00 të ditës së djeshme flakët kanë përfshirë pyjet në Zerqan dhe aktualisht vatra është aktive. Zjarrfikëset e Bulqizës, Sektori i Pyjeve në Bashkinë Bulqizë, Inspektorati i Pyjeve dhe banorë të zonës po punojnë për shuarjen e flakëve.
Zjarri ka përshkruar deri më tani rreth 5 hektarë pyje dushku dhe nuk ka dëm ekonomik. Po ashtu në territorin e Bashkisë Bulqizë ka pasur edhe një rast tjetër zjarri në ekonominë pyjore Ramnagore në zonën e Gollobordës, ku janë përshkuar rreth 31 hektar dushqe.
Ndërkohë, kohët e fundit janë përhapur vatra zjarri gjithandej. Ka qenë ish-kryeministri, Sali Berisha, i cili ka hedhur akuza se po bëhen me qëlim hapjen e parcelave te reja për mbjelljen e hashashit.
