Gjirokastër/ Konflikti për tokën, arrestohet autori i vra*jes

Pak momente më parë u njoftua se një person ka humbur jetën si pasojë e një konflikti për tokën.

Policia e Gjirokastrës ka ndaluar autorin e dyshuar të vrasjes.

Mësohet se autori Jano Koleta, 67 vjeç është ndaluar në banesën e tij.

Autori është shoqëruar në Komisariat dhe po merret në pyetje. Dyshohet se arsyeja e konfliktit janë bërë kullotat.

67-vjeçari ka thënë se nuk ka dashur ta vrasë bashkëfshatarin dhe se në sherr e sipër e kishte goditur me gur.

“Kur ra në tokë i iku gjuha. U përpoqa t’i nxirrja gjuhën por mbaroi”, mësohet se ka thënë autori.

Policia ka kryer të gjitha veprimet procedurale në vend, ndërsa trupi i viktimës është transportuar në morg.