LIGJET E BIZNESIT
Ish-deputeti i Partisë Demokratike Luçiano Boçi ka publikuar një mesazh, ku mësuesit e maturës kërcënoheshin me pezullim nga puna.
Në mesazhin e publikuar, nëse mësuesit nuk paraqiten në punë si administrator të provimeve, atëherë do të pezullohen nga puna.
Sipas deputetit kjo është një dhunë e pakufi dhe sistematike ndaj mësuesve.
“Pika e degradimit të maturës. Matura e sivjetme është e kontestuar jo vetëm nga maturantët, por dhe nga mësuesit. Këta e dinë aq mirë shkallën e degradimit të maturës, sa hezitojnë të jenë aktivë në procesin e administrimit. E ndërgjegjshme për këtë, Ministria e nervozuar nuk harron t’i dërgojë hezitantëve mësuesë, mesazhe kërcënuese për pushime nga puna.
Një dhunë e pakufi dhe sistematike kjo, ndaj mësuesve. Më turp e zi s’ka ku të shkojë. Ministria ka humbur çdo logjikë e etikë. Kërcënimet e tilla dëshmojnë pikën fundore të degradimit të maturës dhe rrënimin e këtij institucioni, me drejtuesë mjeranë e të paaftë”, shkruan ish-deputeti Boçi dhe publikon foton e mëposhtme.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
