Verifikohen dy dosje për korrupsion, ish-kryebashkiaku i Kamzës nën hetim nga SPAK

Prokuroria e Posaçme Kundër Korrupsionit dhe Krimit të Organizuar (SPAK) ka nisur verifikimin për ish-kryebashkiakun e Kamzës Xhelal Mziu.

Pranë tyre kanë arritur dy dosje, njera lidhet me një aferë korrupsioni, ndërsa tjetra lidhet me shpërdorim detyre.

Mziu dyshohet të ketë favorizuar disa subjekte private, në dosjen e parë, duke i oajisur me leje zhvillimi dhe ndërtimi dhe duke mos i detyruar të kalojnë 3% të sipërfaqës funksionale për banesa sociale në favor të Bashkisë Kamëz. Këto subjekte nuk kanë dhënë banesa për personat që do të strehoheshin në këto banesa sociale.

Mësohet se dëmi fillestar për këtë kallzim do të jetë 22 milionë lekë të reja për Xhelal Mziun.

Ndërsa  dosja e dytë lidhet me linjat e transportit të udhëtarëve dhe licensimin e tyre në territorin që mbulon Bashkia Kamëz.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në këtë dosje nuk ka pasur asnjë kontratë dhe dokumenta përkatëse të autoritetit të licensimit të linjave të transportit.