Grabitja e pikës postare te Unaza e Re, policia ngre pika kontrolli në të gjithë Tiranën

Pak minuta më parë, dy persona të armatosur vodhën një sasi lekësh të një poste private, pranë sheshit Shqiponja dhe më pas u larguan me motor.

Policia njofton se ka ngritur oika kontrolli në të gjitha hyrje-daljet e Tiranës për të identifikuar autorët.

Madje po vijojnë kontrollin dhe në të gjitha parkingjet e ambienteve të ndryshme.

Policia e Shtetit fton çdo qytetar të japë informacion në 112, nëse ka informacion dhe do t’i garantojnë anonimatin.

Njoftimi i plicisë:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Tiranë/Informacion paraprak

Në datë 16.06.2020, rreth orës 21:50, prane sheshit “Shqiponja”, në një zyrë postare private, dyshohet se dy persona ende të paidentifikuar, nën kërcënimin e armës kanë vjedhur një sasi lekësh dhe janë larguar me një mjet motoçikletë.

Në të gjitha hyrje-daljet e Tiranës, janë ngritur pika kontrolli. Policia ka shpërndarë në këto pika, identikitet e autorëve.

Forcat e Policisë po krehin zonën dhe vijojnë kontrollet edhe në parkingje e ambiente të ndryshme.

Grupi hetimor vijon punën për zbardhjen e rrethanave të ngjarjes, me qëllim  identifikimin e autorëve.

Policia e Shtetit fton çdo qytetar që mund të ketë të dhena mbi autorët, të telefonojnë falas në 112, duke u garantuar anonimatin.