“Ambasadorja e SHBA të shohë fytyrën e vërtetë të Ramës” Maliqi thirrje të fortë për Yuri Kim

Deputeti i opozitës së re Lefter Maliqi ka lëshuar sot një thirrje të fortë në drejtim të ambasadores së SHBA në vendin tonë Yuri Kim.

Ai është shprehur në një deklaratë përpara mediave se Edi Rama ka marrë fund si kryeministër dhe se ambasadorja Kim duhet të shohë fytyrën e tij të vërtetë.

Maliqi shtoi se Rama nuk e do Reformën Zgjedhore dhe shton se ai do  të dalë humbës si me lista të hapura ashtu edhe me ato të mbyllura.

“Edi Rama ecën me parimin përça e sundo.  Ka përçarë mediat dhe shqiptarët. Unë dua t’ju them se Rama nuk do që marrëveshja për zgjedhjet nuk do të kalojë. Opozita ka votuar në bllok të gjitha ligjet që janë të paligjshme. Ambasadorja amerikane të shikojë hipokrizinë e Ramës. Ambasadorja të shohë prapaskenat e Ramës. Unë nuk pyes për kërcënimet e tij. Pas Bashës, tashmë topi i ka kaluar Ramës.  Rama ka votuar antikushtetuese.

Jam për zgjedhje të menjëhershme, sepse populli është në krim e drogë, i ka ikur koha Edi Ramës. Të njëjtën gjë që thotë Sali Berisha, por Berisha së paku bëri rrugë. Rama ka marrë fund. Nuk fiton Rilindja, nuk fiton opozita e përbashkët. Rama gënjeu për gjithçka. Rriti taksat, kriminalizoi vendin, do të shesë Damianin.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ambasadorja amerikane dhe ndërkombëtarët këtu në Tiranë të shikojnë fytyrën e Edi Ramës, që bën disa batuta, por njerëzit duan ekonomi. Rama do të mbajë reformën të bllokuar. Nuk kam frikë nga zgjedhjet. Për interesat e vendit, duhet të kalojmë në zgjedhje. Rama nuk fiton dot më. Ai e di që është i humbur dhe po bën edhe këtë lojën e fundit me këtë opozitën e re. Edi Rama nuk fiton dot ndaj opozitës së bashkuar. Rama do të përçajë opozitën, por nuk do ta bëjë dot.”, tha Maliqi gjatë fjalës së tij.