Lajm jo i mirë për shqiptarët/ Gjermania shtyn hapjen e kufinjve deri në këtë datë

Një lajm jo i mirë vjen së fundmi për të gjithë shqiptarët që duan të ikin në Gjermani.

Mësohet se ky shtet ka shtyrë afatin e mbajtjes mbyllur të kufinjve me shumicën e vendeve jo anëtare të BE, deri më 31 gusht, përfshirë dhe Shqipërinë.

Sipas mediave gjermane  ky vendim është shtyrë përtej 15 qershorit dhe kjo ka ndodhur për shkak se duhen mbajtur të bllokuar kufinjtë për të penguar hyrjen e personave të infektuar nga më shumë se 160 vende të botës që konsiderohen nga autoritetet gjermane si të dobëta në identifikimin dhe mbajtjen nën kontroll të përhapjes së koronavirusit.

Po ashtu, shtetasit gjermanë këshillohet që të mos udhëtojnë drejt këtyre vendeve. Lista përfshin edhe destinacione mjaft të preferuara turistike verore si Turqia, Egjipti e Tunizia.

Karantina do të hiqet prej 15 Qershorit për shtetasit që hyjnë në Gjermani nga shumica e vendeve të Bashkimit Europian, por edhe nga disa vende jo anëtare si Britania e Madhe. Prej kësaj date, në Gjermani mund të hyjnë lirshëm qytetarë nga 31 vende të huaja.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern