LIGJET E BIZNESIT
Ditën e djeshme, Lulzim Basha dhe Ilir Meta zhvilluan një takim kokë më kokë në zyrën e Presidentit.
Sipas gazetës “Panorama”, ka qenë Basha ai që ka shkuar në zyrën e Metës, ku kanë zhvilluar një takim kokë më kokë me njëri-tjetirn.
Biseda e bërë ndërmjet Metës dhe Bashës ka qenë tepër konfidenciale dhe palët janë munduar për ta mbajtur takimin e tyre larg vëmendjes së medias. Por mësohet se pjesë e diskutimit ka qenë kriza politike si edhe djegia e mandateve nga ana e opozitës.
Ky takim mes liderit të opozitës dhe Presidentit vjen në kulmin e krizës politike që ka përfshirë vendin dhe tregon se palët kanë nisur bisedimet për gjetjen e një zgjidhjeje.
Kujtojme se para disa ditësh, kreu i shtetit apeloi që palët të tërhiqen dhe të gjejnë gjuhën e dialogut. Qëndrimin e parë, Meta e bëri gjatë vizitës së Presidentit slloven, ku kërkoi që Kryeministri Rama dhe kreu i opozitës, Basha, të bëjnë hapa pas në mënyrë që të gjendet një zgjidhje për krizën politike.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
