Gjykata e Shkallës së Parë në Shkodër ka vendosur të lërë në burg tre personat e dyshuar si bashkëpunëtor të vrasësit të biznesmenit, 32-vjeçar, Nardi Polia. Ndërkohë që sot gjatë seancës është zbuluar dhe emri i personit që dyshohet se ka qëlluar biznesmenin Polia.
Bëhet fjalë për Kristian Sylaj (Martini). Ai më 20 mars është larguar nga Shqipëria. Sipas burimeve, Kristian Sylaj (Martini) ka lënë vendin përmes pikës kufitare të Muriqanit.
Ndërkohë, Gilbert Toma, 26 vjeç, Kleandro Toma, 29 vjeç dhe Alfred Martini, 20 vjeç, dyshohen se drejtpërdrejt me veprimet e kryera kanë mbështetur me logjistikë dhe armatim, ndjekur, strehuar, organizuar dhe kryer në bashkëpunim këtë vrasje.
