Rezistenca e banorëve të ‘Astirit’ nuk po ndalet, ata të vendosur kanë lajmëruar se protestat do të vazhdojnë deri në anulim të projektit të ‘Unazës së Madhe’.
Konfliktet e tyre me policinë dhe qytetarët e tjerë kanë qenë të zakonshme, për shkak të bllokimit të rrugës. Banorët akuzojnë policinë se po tenton që tenton t’i përplasë ata me qytetarët dhe të bllokojë qëllimisht protestën e Unazës së Re.
“I bëj thirrje policisë, komisariatit 6 të vijë të sigurojë protestën, të bëjë bllokimin e rrugës që banorët të protestojë qetësisht, mos na lejojë të përplasemi me qytetarët. Aty nuk kalon asnjë njeri, as me forcë, as me hir as me pahir.
Ne jemi të vendosur të protestojmë. Qytetarët i ftoj ta shmangin kalimin në atë rrugë dhe nëse ka ndonjë që pretendon të kalojë me forcë normal që do të hasë në rezistencën e banorëve.
Pas ndryshimeve që janë bërë në komisariatin 6, para datës 24 bllokonte vetë rrugën dhe protesta ishte më e qetë, por ditët e fundit është shtuar prezenca e policisë, prezenca e civilëve. Policët e komisariatit 6 nuk bën bllokimin e rrugëve por provokon qytetarët, provokon protestën,”-tha një nga banorët.
Ndërkohw ata pretendojnë se kanw prova për veprimet e policisë:
“Kemi kamera që oficerë të policisë civilë i thonë makinave me shenja që të afrohen sa më shumë tek protestuesit, thjesht kërkon të na përplasë me qytetarët. Ne distancohemi nga dhuna, nuk kemi punë me qytetarët.
Në do ta vazhdojmë protestën dhe këto janë metoda komuniste për të gjetur pretekst për të mbyllur protestën,”-tha një nga banorët e Unazës së Re.
Ndërkaq, 6 nga 7 protestuesit e Unazës së Madhe janë lënë të lirë, ndërsa vijon të jetë ende në komisariat Altin Cejku. Banorët e thirrur janë: Ilir Katiraj, Florian Protoduari, Lindita Protoduari, Artan Manushaqe, Gëzim Sadikaj, Lutfi Kastrati.
