LIGJET E BIZNESIT
Të tjera detaje janë zbuluar lidhur me vrasjen e Jurgen Kurtit më 18 mars, një ditë pas arrestimit të tre të dyshuarve Elsi Levendi, Alesio Berberi dhe Olsi Qalliaj.
Ndërkohë është shpallur në kërkim personi që ka shkrepur armën. Policia ka rënë në gjurmë të tyre përmes përgjimeve telefonike. Të tre janë ndaluar në të njëjtën makinë, në zonën e Komunës së Parisit në kryeqytet.
Burime nga grupi hetimor thanë se tre personat e arrestuar kanë pranuar të jenë përfshirë në vrasjen e 26-vjeçarit Jurgen Kurti, duke treguar edhe mekanizmin e ngjarjes.
Mësohet se ata kanë deklaruar ta kenë vëzhguar prej afro 2 javësh Kurtin, duke mësuar të gjitha lëvizjet e tij.
Por sipas tyre, asnjëri prej tyre nuk ka qëlluar me armë në drejtim të tij. Ata janë identifikuar përmes përgjimeve të kryera nga ana e grupit hetimor, ku në bisedat mes tyre kanë përmendur edhe një shumë prej 30 mijë eurosh, që dyshohet të jetë pagesa për realizimin e vrasjes.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Megjithatë, kjo ende nuk është saktësuar. Nga ana tjetër, asnjëri prej të arrestuarve nuk ka pranuar të japë të dhëna rreth personit që ka porositur krimin, duke pretenduar se nuk kanë dijeni.
“Veprimet hetimore janë në vazhdim e sipër për të bërë të mundur dokumentimin e plotë me prova ligjore të personave të tjerë të përfshirë në ngjarje, si dhe për dokumentimin e motiveve të ngjarjes. Për arsye hetimore ,nuk bëjmë me dije të dhëna të tjera, pasi cenojmë hetimin”, tha zyrtarisht Policia.
