Gjykata e Shkodrës rikonfirmoi sot masat e sigurisë për të arrestuarit që vepronin si grup i organizuar kriminal në fushën e fajdeve. Ata akuzohen për pastrim parash, Ushtrim aktiviteti të palicensuar, Shpërdorim detyre, dhe Moskallzim krimi.
Gjykata ka dhënë masën “arrest me burg” në mungesë për dy djemtë e ish-prefektit Paulin Radovani. Ndërkohë që ka caktuar “detyrim paraqitje” për ish-prefektin, duke i ndaluar largimin jashtë vendit.
Prokuroria ka nisur një hetim kryesisht për dy djemtë dhe ish prefektin me akuzën për mashtrim. Dy djemtë janë larguar nga Shqipëria dhe nuk dihet se ku ndodhen momentalisht por gjykata dha masën e sigurisë “arrest me burg” në mungesë.
Ish-prefekti bëri një denoncim ndaj 22 personave teksa 12 prej tyre u arrestuan dhe tre të tjerë janë në kërkim ndërsa të tjerët kanë masa më të lehta.
