LIGJET E BIZNESIT
Në disa shtete amerikne, protestuesit u përplasën sërish me policinë për të katërtën ditë radhazi. Përleshjet erdhën për shkak të vrasjes së një afro-amerikani të paarmatosur gjatë një arrestimi nga policia në Minneapolis.
Ndërkaq, qindra persona protestuan jashtë Shtëpisë së Bardhë të cilët kërkojnë drejtësi për George Floyd. Me fotografitë e të ndjerit në duar, të gjithë brohorasin fjalën e tij të fundit: “Nuk marr dot frymë”.
Ndërsa, nuk kanë munguar dhe protestat në vendet si Minesota, Kaliforni dhe Nju Jork. Manifestuesit u përballën me ndërhyrjen e ashpër të policisë, teksa në disa zona dogjën godina dhe automjete.
Sipas raportimeve të mediave të huaja bëhet e ditur se në Atlanta, ndërtesa të shumta u vandalizuan, përfshirë selinë e gjigandit mediatik, CNN.
Ngjarja ka ndezur zemërimin kundër policisë amerikane për vrasjet e njerëzve me ngjyrë. Një ish-polic i Mineapolis është arrestuar dhe ndaj tij është ngritur akuza e vrasjes lidhur me vdekjen e Floyd në komisariat.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Derek Chauvin është xhiruar teksa vendosi gjurin e tij te fyti i 46-vjeçarit me ngjyrë të hënën. Që prej publikimit të pamjeve, Chauvin dhe 3 policë të tjerë janë shkarkuar. Ata do të dalin para gjykatës së Mineapolis të hënën. Presidenti, Donald Trump, e ka përshkruar ngjarjen si të tmerrshme dhe njoftoi se ka biseduar me familjen e Floyd për t’i shprehur ngushëllimet e tij.
