LIGJET E BIZNESIT
Kryedemokrati Lulzim Basha, ditën e sotme ka zhvilluar një tubim në qytetin e Durrësit. Por, ky tubim ka sjellë reagim të ashpër nga kryeministri Edi Rama.
Teksa poston foton me pamjet e këtij tubimi ku shihen qytetarë të shumtë, Rama shkruan: “Të rrezikosh shëndetin dhe jetën e njerëzve për të luajtur një pllakë gramafoni”.
Postimi i Ramës:
Nuk ka qenë vetëm kryeministri që reaguar në lidhje me këtë tubim. Ministrja Manastirliu shkruan se është e tmerruar nga kjo shfaqje ekstreme papërgjegjshmërie, në kushtet e hapjes, kur më shumë se kurrë njerëzit duhet të respektojnë rregullat e mbrojtjes nga COVID-19, sepse ekspozimi është i madh!
Reagimi i Manastirliut
Si ministre e Shëndetësisë dhe Mbrojtjes Sociale jam e tmerruar nga kjo shfaqje ekstreme papërgjegjshmërie, në kushtet e hapjes, kur më shumë se kurrë njerëzit duhet të respektojnë rregullat e mbrojtjes nga COVID-19, sepse ekspozimi është i madh!
Si mund të jepet kjo shfaqje dhe cili lider në botën e sotme jep këtë shembull thjesht për interesin e vet politik?!
Zoti Basha mund t’i thotë të tëra ato që ka për të thënë, pa vënë në rrezik shëndetin e njerëzve në këtë formë ekstreme papërgjegjshmërie. Numrat e rritur janë efekt i parashikuar i hapjes. Por kjo ngjeshje njerëzish për qëllimet e një njeriu mund t’i rrisë numrat përtej parashikimeve më negative dhe kostoja mund të bëhet marramendëse!
U bëj thirrje qytetarëve të mos bien pre e kësaj papërgjegjshmërie të pajustifikueshme dhe zotit Basha të mos i faturojë njerëzve e vendit, koston e papërballueshme të luftës së tij të dëshpëruar për pushtet!
