LIGJET E BIZNESIT
Që prej tre marsit në vend janë djegur 167 hektarë tokë, ndërsa si vatra zjarri numërohen plot 69 të tilla.
Në lidhje me arastet në fjalë ka reaguar Haki Çako, drejtor i Përgjithshëm i Emergjencave Civile.
Sipas tij, fajin e kanë autoritetet vendore të cilat mjaftohen thjesht me konstatimin e problemit dhe nuk bëjnë asgjë për ta parandaluar apo zgjidhur atë.
“Me keqardhje vërejmë se autoritetet vendore mjaftohen vetëm me konstatimin e problemit apo kërkesat për ndërhyrje nga ajri. Autoritetet vendore heshtin, kur bëhet fjalë për marrjen e masave parandaluese për raste të tilla apo për identifikimin dhe vënien përpara përgjegjësive të shkaktarëve të zjarrit. Për të gjithë ata drejtues vendorë të cilët bëjnë veshin shurdh ju rikujtoj ligjin për “Për emergjencat civile , “Ligjin për Mbrojtjen nga Zjarri dhe Shpëtimi”, si dhe të gjitha akteve të tjera ligjore dhe nënligjore
Pushteti vendor është përgjegjësi direkt për organizimin e masave parandaluese, ruajtjen e sipërfaqeve pyjore dhe kullotave dhe identifikimin e vatrës fillestare dhe autorëve me përgjegjshmëri maksimale.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Çdo neglizhencë në këtë drejtim ju ngarkon me përgjegjësi të drejtpërdrejtë, pasi rrezikohen të krijohen precedentë të rrezikshëm që cënojnë sigurinë e komunitetit dhe pasurisë së përbashkët kombëtare”, shprehet Çako.
Ndërkaq, sot ka rënë një tjetër vatër zjarri në Lushnje vazhdoi për disa orë, flakët dogjën një sipërfaqe të madhe me bimësi të egër, ndërsa rrezikuan edhe banesat.
