Ndryshojnë sërish shifrat nga COVID19 në Itali/ Ja sa viktima janë shënuar 24 orët e fundit

Vijojnë ende të ndryshojnë shifrat e COVID19 në Itali.

Sipas asaj që behet publike, mësohet se gjatë 24 orëve të fundit janë regjistruar 87 vdekje, 17 më shumë se dje.

Deri më tani në total numri i viktimave në shtetin fqinj ka shkuar në 33.229 persona.

Ndërsa të prekur janë konfirmuar 516 raste të reja, duke e çuar kështu numrin e përgjithshëm të të prekurve deri më tani në 232.248 veta.

Në 24 orët e fundit në Itali janë shëruar 2240 persona, 152.884 në total.

Deri më tani situata duket disi më e stabilizuar se më parë, ndërkohë italianët prej disa ditësh tashmë i janë rikthyer aktiviteteve normale, si punësimi dhe bizneset, duke e lënë pas krahëve izolimin dy mujorsh edhe pse ndodhen ende nën kthetrat e pandemisë.