Pa Panuccin sot kundër Andorrës, Kombëtarja rikthime në formacion

Klima të kuqezinjtë nuk është nga më të mirat, pak ditë me parë kombëtarja dështoi në ndeshjen e parë të kualifikimit në Euro 2020, duke humbur me rezultat të pastër 0-2 kundër Turqisë.

Por rrugëtimi drejt Euro 2020 dhe një ëndërr që vazhdon,pa Christian Panuccin në stol.  Shqipëria kthehet në fushë në kualifikueset e evenimentit më të rëndësishëm continental, në Andorra.

Vendin e trajnerit të shkarkuare e kanë marrë Ervin Bulku, i cili do të ndihmohet nga eksperienca e Sulejman Memës.

Nga formacioni, në rreshtimin e skuadrës, ku vetëm porta dhe mbrojtja mbeten të pandryshuara, ndërsa ka disa rikthime të rëndësishme. Basha përpara mbrojtjes, në rolin e organizatorit, Ergys Kaçe përkrah Xhakës, si edhe aktivizimi nga minuta e parë e Eros Grezdës dhe Armando Sadikut në fazën ofensive.

Për vetë kundërshtarin që ka përballë dhe detyrimin për të marrë fitoren e parë në këtë edicion, Shqipëria do të luajë në sulm. Misioni nuk është i lehtë, sepse Andorra është një skuadër që në shtëpinë e saj ka fituar me Hungarinë në vitin 2017, ndërsa në Ligën e Kombeve nuk pësoi humbje në tri ndeshje.