E rëndësishme/ DPSHTRR: Ja ç’duhet të bëni kur shisni makinën, por s’keni kaluar pronësinë

Drejtoria e Përgjithshme e Shërbimeve të Transportit Rrugor ka bërë një njoftim të rëndësishëm për qytetarët që kanë blere apo shitur mjet, por nuk kanë bërë kalimin e pronësisë.

DPSHTRR njofton se nuk munden të azhornohen të dhënat nëse pala shitëse nuk ka kontakte me blerësin.

Ndër të tjera thuhet se nëse mjetin e blerë nuk e keni kaluar në emrin tuaj, atëherë ky mjet do ju bllokohet ose konfiskohet nëse shitësi ka detyrime ose debi ndaj të tretëve.

Postimi i plotë i DPSHTRR:

Keni shitur një mjet dhe vijon të mbetet në emrin tuaj ndërsa e përdor blerësi?

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ky mjet mund t’ju ngarkojë me detyrime nëse blerësi nuk paguan taksat, nëse nuk paguan gjobat brenda apo jashtë vendit!

Keni blerë një mjet dhe nuk e keni kaluar në emrin tuaj?

Ky mjet mund t’ju bllokohet apo konfiskohet nëse shitësi ka detyrime ose debi ndaj të tretëve!

SHITËSA & BLERËSA!

Rregulloni pozicionin tuaj në lidhje me mjetin! Për ju, për sigurinë rrugore, për DPSHTRR, për ligjin:

SHITËSI ka të drejtën të deklarojë mes dokumentave, faktin e aktit të shitjes, pranë DPSHTRR (Drejtoritë Rajonale)!

BLERËSI ka detyrimin të regjistrojë në emrin e vet (individ/subjekt) mjetin pranë DPSHTRR (Drejtoritë Rajonale)!

‼Për shkak të situatës së pandemisë COVID19, aplikimi i gjobës që parashikohet nga Kodi Rrugor për blerësin (10,000 – 40,000 Lekë të reja sipas vonesës)ndaj çdo regjistrimi të vonuar kalimi pronësie, do të shtyhet si afat deri në një njoftim të dytë!

Për gjithë ata që planifikojnë shitjen-blerjen, DPSHTRR ofron shërbimin e lehtësuar të kalimit të pronesisë së mjetit direkt në sportelet tona – 1 Stop Shop (1,400 Lekë)! #MëShpejtMëLehtëMëLirë

Për më shumë informacion për ndërrimin e pronësisë së mjetit:

https://ëëë.dpshtrr.al/…/udhezues-shitblerjet-e-paregjistru…

Faleminderit për mirëkuptimin!