Ish-drejtoresha e Tatimeve, Brisida Shehaj ka sulmuar deputetin e ri Ralf Gjoni, i cili u betua sot në Kuvendin e Shqipërisë.
Gjoni i acaruar nga sulmi që iu bë mëngjesin e sotëm, gjatë kohës që po shkonte në Kuvend, ka thënë se nuk nuk e ka pranuar mandatin për rrogën e qelbur.
Shehaj shkruan se Gjoni që në daljen e tij të parë si deputet ofendoi taksat e shqiptarëve duke e quajtur rrogën e tij të qelbur.
“Në daljen e parë si deputet ky individi fyen taksat tona duke thënë se 1.6 mln lekë neto na qenkan të qelbura në Shqipëri. Ky individi që i kushtoi LSI rezultatin më të dobët në Tiranë (njësia 3). Ky individi që na qenka me dy pasaporta dhe i shkolluar jashtë, ta kishte bërë këtë deklaratë andej e kishin nxjerrë me shpulla jashtë parlamentit. (Gjithsesi dhe këtë se ka problem ky se e ka të provuar). Mjerë taksat tona që i hanë deputetë parazitë.”
