Mesditën e sotme në të gjitha mediat u raportua një lajm për të shtëna me armë zjarri në Gjirokastër, ku për pasojë ishte plagosur një person.
Ngjarja u shënua në fshatin Valare, por e vërteta duket se nuk qëndron ashtu.
Mësohet se bëhet fjalë për një drejtues automjeti, që ka mbetur i plagosur pasi është përplasur me një lopë.
Ai nuk ka mundur ta shohë kafshën dhe e ka përplasur pa dashje.
Për pasojë xhami i përparmë i makinës është thyer dhe shoferi ka shkuar në spital për të hequr ciflat e xhamit që i kishin mbetur në trup dhe për të marrë ndihmën e nevojshme mjekësore.
