LIGJET E BIZNESIT
Mjeku epidemiolog Artan Simaku ka folur së fundmi në lidhje me situatën e krijuar nga pandemia e COVID19 në vendin tonë.
Ai ka thënë se përsa i përket epidemisë jemi drejt normalizimit të gjendjes, por parashikon një rikthim të koronavirusit në vjeshtë.
Por Simaku shton se ai nuk do të jetë si një virus i ri, por i zakonshëm.
Për këtë arsye, sipas tij nuk do të ketë nevojë për karantinë, megjithatë ai apelon se respektimi i masave duhet të kthehet në kulturë.
“Ecuria me e mirë e mundshme epidemisë në vendin tonë. Jemi drejt normalizimit të situatës deri në shuarjen e plotë të epidemisë”, tha ai, ne nje interviste dhene sot per Abc News.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Zakonisht në fundin e vjeshtës dhe fillimin e dimrit qarkullon virusi i gripit. Parashikohet që të qarkullojë koronavirusi, por tashmë jo si një virus i ri, por si virus i zakonshëm stinor.
Në bazë të të dhënave sipas parashikimeve nuk do të ketë nevojë për karantinë. Por masat e mbrojtjes duhet të vazhdojnë dhe të na bëhen kulturë e përgjithshme. Janë masa të thjeshta. Edhe në stinën e dimrit këto masa duhet të vazhdojnë, nuk do jetë nevoja për karantinë, por kujdesi duhet të jetë maksimal.
Nuk duhet neglizhuar kujdesi, mbajtja e maskave në ambiente të mbyllura dhe të ruhet distanca. Jemi drejt shuarjes por pritet qarkullimi në fund të vjeshtës dhe fillim të dimrit. Distancomi dhe higjiena duhet të na bëhet kulturë”, u shpreh mjeku.
